Samtökin 78

Á hverju sumri veita Samtökin ´78 mannréttindaverðlaun sín. Mannréttindaverðlaun Samtakanna ’78 er viðleitni félagsins til að þakka fyrir framlag í þágu jafnréttis og mannréttinda og eru veitt einum einstakling fyrir starf sitt innan Samtakanna 78, einstakling utan Samtakanna 78 og stofnun, opinberum aðila eða fyrirtæki.
Samtökin ´78 óska nú eftir tilnefningum verlaunahafa frá félögum sínum. Með hverri tilnefningu skal fylgja 100-150 orða greinargerð með rökstuðningi fyrir henni. Móttaka og yfirferð tilnefninga er í höndum undirbúningsnefndar, en í henni sitja Guðrún Ögmundsdóttir, Svavar Gunnar Jónsson og Árni Grétar Jóhannsson. Allar tilnefningar sendist á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. fyrir miðnætti sunnudagsins 23. júní næstkomandi. Viðurkenningahafar eru valdir af stjórn og trúnaðarráði Samtakanna '78 með leynilegri kosningu.

Viðurkenningin verður afhent á Hinsegin dögum.

*ENGLISH BELOW

Samtökin '78 boða til mótmæla fyrir utan sendiráð Rússneska Sambandsríkisins á föstudaginn kl. 17:00.

Ný löggjöf sem samþykkt var í neðri deild rússneska þingsins 11. júní s.l. gerir það refsivert að halda því fram að samkynhneigð sé eins eðlileg og gagnkynhneigð og önnur löggjöf gerir það refsivert að móðga trúfélög og trúariðkendur.

Slík löggjöf er vægast sagt fornaldarleg og hræðileg. Samtökin '78 geta ekki staðið hjá og horft upp á slík lög verða að veruleika og krefjast þess að rússneska þingið taki málið upp að nýju og sjái að sér. Samtökin '78 krefjast þess einnig að íslensk stjórnvöld beiti sér fyrir réttindum hinsegin fóks, aðstandendum þeirra og allra þeirra sem þessi löggjöf hefur bein eða óbein áhrif á og fordæmi þessi hræðilegu lög.

Við munum safnast saman fyrir utan sendiráð Rússneska Sambandsríkisins kl. 17:00 á föstudaginn 14. júní með regnbogafána og skilti (ef fólk vill koma með þau) og við hvetjum fólk eindregið að kyssast líkt og mótmælendur í Rússlandi og öðrum löndum hafa gert.

Stjórn, trúnaðarráð og starfsfólk Samtakanna ´78 eru í skýjunum með SAMTAKAMÁTTINN - þjóðfund hinsegin fólks sem fram fór í Ráðhúsi Reykjavíkur þann 1. júní 2013. Í honum tóku þátt um 120 manns á aldrinum 15 til 87 ára. Fundurinn var haldinn í tilefni 35 ára afmælis S78 og lagt upp með að á þessum tímamótum sé nauðsynlegt að staldra við, skoða stefnumálin og forgangsraða. Margir sigrar hafa náðst í 35 ára starfi og fjöldi fólks lagt blóð, svita og tár í baráttuna þau ár sem Samtökin hafa verið til. Það voru fundargestir rækilega minntir á þegar Lana Kolbrún Eddudóttir og Þorvaldur Kristinsson, fyrrum formenn Samtakanna, stigu á svið og sögðu örsögur frá fyrri árum. Eygló Harðardóttir félagsmálaráðherra og Dagur B. Eggertsson formaður borgarráðs ávörpuðu fundinn af einlægum áhuga á málefnum hinsegin fólks. Reynslumiklir félagsmenn, þau Ragnhildur Sverrisdóttir og Felix Bergsson, stýrðu fundinum af stakri snilld. Fjöldi fólks lagði á sig mikla sjálfboðavinnu til að fundurinn gengi jafn vel og skipulega fyrir sig og raunin varð og þetta fólk á miklar þakkir skildar. Um kvöldið var fagnað á Hinsegin hátíð á borginni. Mannréttindaborgin Reykjavíkurborg á svo sannarlega þakkir skildar fyrir frábært samstarf við Samtökin ´78 kringum fundinn.

En það er ekki nóg að halda flottan fund og safna miklum fjölda góðra hugmynda. Nú er sá hluti að baki en við tekur úrvinnsla. Í fyrsta lagi þarf að halda skipulega utan um hugmyndirnar. Í öðru lagi þarf að framkvæma. Forysta S78 hóf strax vinnu við úrvinnsluhlutann og biðlar til félaga í Samtökunum ´78 að taka virkan þátt í starfinu til framtíðar svo hægt sé að láta sem flestar hugmyndanna frá SAMTAKAMÆTTINUM 2013 verða að veruleika.

Þó að mikil vinna sé fyrir höndum og nokkur tími sé í að hægt verði að birta niðurstöður þeirrar vinnu viljum við þó birta niðurstöður borðavinnunnar eins og hún kom fram á fundinum. Öll skjölin eru í PDF formi sem auðvelt á að vera að skoða og prenta út. Við munum svo að sjálfsögðu bæta við upplýsingum og niðurstöðum þegar það verður hægt.

• Borð 1 - Innra félagsstarf samtakanna
• Borð 2 - Ytra samstarf, ímynd og kynningarmál
• Borð 3 - Hinsegin samfélagið
• Borð 12 - Hinsegin samfélagið (Aukaborði var bætt við málaflokkinn sökum vinsælda)
• Borð 4 - Fræðslumál
• Borð 5 - Fræðslumál (Aukaborði var bætt við málaflokkinn sökum vinsælda)
• Borð 6 - Réttindabarátta
• Borð 7 - Fjölskyldumál
• Borð 8 - Íþrótta- og Lýðheilsumál (Málefnin voru sameinuð)
• Borð 9 - Menningarmál
• Borð 10 - Alþjóðleg samskipti
• Borð 11 - Borð fyrir enskumælandi þáttakendur með alla málaflokka

Hér má svo finna skjal með öllum hugmyndum sem fram komu á fundinum.

• Allar hugmyndir frá borðum

English version - click here

Laugardaginn 1. júní 2013 í Tjarnarsal Ráðhúss Reykjavíkur

Dagskrá

13:30 Skráning og afhending fundargagna
-Raðað í hópa eftir efnisflokkum (Sjá neðar)
-Mætið tímanlega!

14:00 Opnun fundarins
-Eygló Harðardóttir félagsmálaráðherra
-Anna Pála Sverrisdóttir formaður Samtakanna ´78

14:15 Vinna hefst í hópum

15.30 Hressing

15.50 Örsögur úr starfinu frá fyrri formönnum
-Guðni Baldursson, fyrsti formaður S78
-Lana Kolbrún Eddudóttir
-Þorvaldur Kristinsson

16.00 Framhald hópavinnu

17:30 Lokaorð og móttaka

Fundarstjórar: Felix Bergsson og Ragnhildur Sverrisdóttir